Stríðið er hafið, þar sem vopin eru í formi upplýsinga.

Það er margt sem bendir til að við séum í stríði, en öðruvísi stríði en við eigum að venjast. Vopnin í þessu stríði eru í formi upplýsinga. Þetta er stríð er vel undirbúið af þeim sem að því standa. Stríðið gengur út á að taka fólk út með ákveðnar skoðanir.

Fb hefur kannski verið sá miðill sem hefur farið fremst í flokki við að útiloka ákveðnar skoðanir og fólk með þær frá umræðunni. Fakt Check er fyrirtæki sem hefur ráðið fólk við að leita uppi upplýsingar sem henta ekki ákveðnum pólitískum áætlunum og rétttrúnaði. Hefur Fact Check verið notað til að telja fólki trú um að eitthvað sé ósatt eða rangt og gera sérfræðinga tortryggilega án þess að það eigi við mikil rök að styðjast.

Fólk er dæmt úr leik án þess að fá tækifæri til að rökstyðja mál sitt, og nú er fjöldi manns mánuðum saman í straffi á fb án þess að nokkur átti sig á því. Svona er fólk beitt kúgun og þvingunum í anda fasisma.

Miðill sem gaf sig út fyrir að vera til að opna möguleika á að efla vina- og fjölskyldutengsl þar sem fólk deildi áhugamálum sínum, viðburðum í lífi sínu og skoðunum, en var þá eftir allt saman "Stóri Bróðir" mættur á staðinn í anda "Orwell 1984" að smala okkur saman til að taka af okkur mál og tjáningarfrelsið, þar sem allar upplýsingar um okkur eru vel vistaðar og geymdar.

Þarna var öllum safnað saman til að einfalda viðfangsefnið.

Já þetta er dómstóll götunnar þar sem fólk er tekið af lífi án dóms og laga. Já svona rétt eins og með nýju sóttvarnalögin, aðeins "ef grunur leikur á um". Það þarf víst ekki að sanna neitt.

Erum við viss um að þetta sé sú veröld sem við viljum lifa í?

Ég rakst á þetta áhugaverða myndband þar sem málið er rekið frá hlið þeirra sem átta sig á að ekki er allt með felldu, né eins og það lítur út fyrir að vera.

Myndin heitir 2030 UnMasked. Hún varpar stærra ljósi á málin í víðara samhengi en landinn á að venjast.

Er það tilviljun að google er með liti í logoinu sínu sem er í sama lit og merkið um Heimsmarkmiðin. Hér er margt mun stærra á ferðinni en margan grunar. Það eru nefnilega þeir sem ekki hafa verið lýðræðislega kjörnir sem ráða ferðinni og eru að smala öllum undir eina regnhlíf viðhorfa og pólitískrar rattrúnaðar, sem er í raun hið svo kallaða nýja norm, the great reset, the new world order.

Elítan í Davos, Evrópubandalagið sem fjáraflar hér menn og markmið og nú Rannís íslenskt fyrirtæki sem á að sjá um rannsóknir sem skila réttum niðurstöðum.

Er það ekki að tilefnislausu að ég varpa þessu fram nú, þar sem ég var stödd á fundi Rannís í vikunni þar sem var verið að ræða fjölmiðlalæsi á tímum upplýsingaóreiðu, eins og það hefur verið valið að vera kallað og fl í þeim dúr. Sem í mínum huga er bara það að nú eru fleiri upplýsingar í boði en við höfum vanist, sem er í raun af hinum góða. En það þarf náttúrulega að setja á það belti og axlabönd svo ekkert fari úrskeiðis :)

Þar voru ágætis aðilar sem vinna ásamt öðrum m.a. í öðrum löndum við að finna út hvað sé satt og hvað ekki og hyggjast síðan leggja það fram fyrir almenning eins og vel valdar umferðagötur svo menn rati nú örugglega og engin villist af leið um öræfi nýrra upplýsinga. Já það verður fólk sem telur sig sennilega hæfara til að hugsa, greina og meta en okkur hin, sem þau telja vera eins og sjónlausir hvolpa, sem vitum ekki okkar viti og erum ekki treystandi til að velja né hafna, né greina rétt frá röngu í þessu sem öðru sem er mikilvægt fyrir líf okkar, aðeins vegna þess að þeir útvöldu hafa kannski ekki sjálfir færni til að sjá hlutina í víðara samhengi.

Í þessu er falin gildra, þegar einhver hópur manna ætlar að fara að ákveða það fyrir fjöldann hvað sé rétt og rangt eins og Guð sjálfur sé mættur á staðinn.

Þetta býður uppá enn meiri og harðari útilokanir fólks sem verður talið hættulegt samfélagi sínu fyrir skoðanir sínar einar, ef þeir sjá eitthvað annað en þeir sem hafa verið fengnir til að leggja mjóan veg sannleikans.

Þykir það í raun nú þegar í lagi að útiloka fólk frá umræðunni, á fb síðum sem eru reknar af völdu fólki á vegum hins opinbera og fréttamiðlar útiloka fólk af kommentkerfinu, vegna þess að skoðanir þeirra eru taldar hættulegar. Það þarf nefnilega ekki bara fb til.

Nú eru stofnaðar nefndir sem mata ungafólkið á skjá landsmanna og hjá menntastofnunum landsins, þar sem efni úr ákveðinni pólitískri stefnu er kennd, án þess að fólk átti sig á því. Það er ekki eins og þessi leið hafi ekki verið áður farin.

Þá gleymist staðhæfing Ben Franklin sem hljóða svo: Any society that would give up a little liberty to gain a little security will deserve neither and lose both. He who sacrifices freedom for security deserves neither.

 

Kenndar eru kenningar sem hin eini sannleikur sem sé hafinn yfir alla gagnrýni og fólk með aðrar skoðanir er úthrópað og stimplað af þeim sem hafa fyrir heilaþvottinum orðið.

Eiga ákveðnir aðilar að ákveða hver sé hinn eini stóri sannleikur? Er slíku treystandi? Helstu rökin eru að það sama heyrist hjá fréttamiðlum í öðrum löndum. En áttar fólk sig ekki á að það eru þeir sömu sem mata. 

Stóri Bróðir passar upp á sína. Við erum þegar langt á veg komin.